Por fabor kompartí bo pensamentu riba konseho tokante Enseñansa na Hulanda Karibense
Instansianan edukativo na Hulanda Karibense (Boneiru, Sint Eustatius i Saba) ta forma parti di e sistema di enseñansa hulandes for di promé di yanüari 2011. Esaki a kondusí na maneho nobo i otro legislashon i regulashonnan. Riba petishon di e ministernan di enseñansa, Konseho di Enseñansa ta trahando riba un orienstashon di enseñansa na Hulanda Karibense.
Den esaki e konseho, huntu ku e komishon insular di Boneiru, Sint Eustatius i Saba, ta eksplorá e funshonamentu di enseñansa na Hulanda Karibense i su inkorporashon den e sistema di enseñansa hulandes a base di seis tema.
E seis temanan ta: multilingwismo i suministro di enseñansa pa Boneiru; transishonnan den enseñansa i enseñansa inklusivo pa St. Eustatius; i poder atministrativo i dosentenan pa Saba.
Por fabor kompartí bo pensamentu
Ta spera ku e Konseho di Enseñansa lo lansa e orienstashon den e promé kuartal di 2026. Den preparashon di e orienstashon aki, e konseho ke ofresé tur hende e oportunidat pa kontribuí ku ideanan. Eksperensianan, ehèmpelnan, analisisnan i sugerensia riba un di e temanan i/òf edukashon na Hulanda Karibense en general ta hopi bon biní. E konseho ta usa e informashon ei pa hasi un orienstashon bon konsiderá.
No ta posibel mas pa reakshoná.